Хаклă ентешĕмĕрсем!

Сире Чăваш чĕлхин кунĕ ячĕпе саламлатăп!

Халăхăмăр хăйĕн нумай ĕмĕрлĕ историйĕнче тĕрлĕ йывăрлăхсем витĕр тухса чĕлхене тата культурăн хăйне евĕрлĕхне упраса хăварма пултарчĕ. Аслă вĕрентекенĕмĕр Иван Яковлевич Яковлев чунне парса ĕçленине пула наци ăс-хакăлĕ татах пуянланчĕ, вăл çуралнă кун вара чăваш сăмахĕн уявĕ пулса тăчĕ.

Паян чăваш чĕлхи шкулсенче, радио- телепередачăсенче янăрать, вăл пĕтĕм тĕнчери йăхташăмăрсене хутшăнма май паракан Интернет сетĕнче хăйĕн вырăнне тупрĕ, наци кĕнекисемпе хаçачĕсем пичетленеççĕ. Чăваш сăмахлăхĕн малашлăхĕшĕн çунакан Çеçпĕл Мишшин ĕмĕчĕ пурнăçланчĕ. «Чăваш сăвви, чăваш сăмахĕ Атăл хумĕ пек, вăрман сасси пек, кĕсле сасси вырăнне пулĕ»,- тенĕ сăвăçăмăр.

Чĕлхе - халăх чунĕ, иртнипе малашлăха тачă çыхăнтарать. Халăх йăли-йĕркине, чĕлхине тата культурине çитес ăрусем валли упраса хăварасси тата аталантарасси - пирĕн тивĕç.

Сире çирĕп сывлăх, телей тата юрату, Чăваш Ен ырлăхĕшĕн тăрăшса ĕçлеме ăнăçу сунатăп!

Чăваш Республикин
Президенчĕ Н.Федоров

2005 çулхи ака уйăхĕн 25-мĕшĕ

Дорогие соотечественники! Хаклă ентешěмěрсем!

Сбылось пророчество поэта Михаила Сеспеля: " Чăваш сăвви, чăваш сăмахĕ Атăл хумĕ пек, вăрман сасси пек, кĕсле сасси вырăнне пулĕ" - "Чувашский стих, чувашское слово взыграют, как волны Волги, зашумят, как лес, зазвенят, как струны гуслей". Сегодня родная речь звучит в школах и вузах, с экранов телевизоров и в радиопередачах, на страницах книг и газет, завоевывает сеть Интернет, объединяя чувашей во всем мире.

25 апреля 2005 года